SAT nima? Digital SAT haqida to‘liq ma‘lumot

SAT — College Board tashkil etadigan xalqaro imtihon. AQSh va boshqa davlatlardagi ko‘plab universitetlar qabulda SAT natijasini qabul qiladi. Hozir SAT kompyuterda, Bluebook dasturida topshiriladi.

Imtihon tuzilishi

Reading and Writing: 2 modul, har birida 27 ta savol, har biriga 32 daqiqa (jami 64 daqiqa).
Math: 2 modul, har birida 22 ta savol, har biriga 35 daqiqa (jami 70 daqiqa).
Bo‘limlar orasida 10 daqiqalik tanaffus bor. Butun imtihon taxminan 2 soat 14 daqiqa davom etadi.

Adaptiv test nima degani

Har bo‘limda birinchi modul hamma uchun bir xil. Birinchi modulni qanchalik yaxshi ishlaganingizga qarab ikkinchi modul qiyinroq yoki osonroq bo‘ladi. Yuqori ball olish uchun birinchi modulni yaxshi ishlash muhim: oson ikkinchi modulda maksimal ball cheklangan bo‘ladi.

Ball tizimi

Har bir bo‘lim 200 dan 800 gacha baholanadi, umumiy ball 400–1600. Ball faqat to‘g‘ri javoblar soniga emas, savollarning qiyinligiga ham bog‘liq. Noto‘g‘ri javob uchun ball ayirilmaydi, shuning uchun har bir savolga javob bering.

Reading and Writing bo‘limidagi savol turlari

Information and Ideas: asosiy g‘oya, xulosa (inference), dalil (command of evidence).
Craft and Structure: Words in Context, matn tuzilishi va maqsadi, ikki matnni solishtirish.
Expression of Ideas: transitions, student notes (rhetorical synthesis).
Standard English Conventions: tinish belgilari, gap chegaralari, grammatika.

Qayerdan boshlash kerak

Avval darajangizni biling: bepul SAT practice test 32 daqiqada qaysi skill‘lar zaif ekanini ko‘rsatadi. Keyin SAT Ustoz roadmapi bo‘yicha o‘qing.